December 8th, 2012

Мѣсяца Ноемврія во 25-й день. Служба св. равноап. Клименту, архіеп. Охридскому

Originally posted by russportal at Мѣсяца Ноемврія во 25-й день. Служба св. равноап. Клименту, архіеп. Охридскому
Святой равноапостольный Климент, архиепископ Охридский «Словесы́ наста́вилъ еси́ язы́ки въ вѣ́ру Христо́ву, дѣ́лы же возвы́силъ еси́ себе́ къ боже́ственнѣй жи́зни, святи́телю Кли́менте равноапо́стольне, чудесы́ сія́я приступа́ющимъ къ тебѣ́ вѣ́рно и зна́меньми озаря́я Це́рковь пресла́вно, сего́ ра́ди честну́ю твою́ па́мять сла́вимъ. — Хра́мъ тво́й, свя́те, врачевство́ духо́вное пресла́вно показу́ется вѣ́рно приступа́ющимъ: всѣ́хъ бо разли́чныхъ болѣ́зней избавля́етъ, стра́сти же ду́шъ вся́ческія усыпа́етъ. Сего́ ра́ди тя́, всеблаже́нне, те́пла предста́теля имену́емъ. — Похвала́ми согла́сно почти́мъ святи́теля вели́каго, напои́вшаго всѣ́хъ словесы́ кни́жными и ве́сь мíръ слове́нскій просвѣти́вшаго заря́ми духо́вными. Тѣ́мъ, соше́дшеся, досто́йно просла́вимъ святы́я по́двиги его́ и къ нему́ возопіи́мъ: Кли́менте сла́вне, моли́ Христа́ Бо́га грѣхо́въ оставле́ніе дарова́ти чту́щимъ любо́вію святу́ю па́мять твою́. —Collapse )