November 23rd, 2012

Мѣсяца Ноемврія въ 11-й день. Служба св. влмуч. царю Стефану Дечанскому

Originally posted by russportal at Мѣсяца Ноемврія въ 11-й день. Служба св. влмуч. царю Стефану Дечанскому
Святой великомученик царь Стефан Дечанский «Въ терпѣ́ніи добрострада́льныхъ по́двигъ твои́хъ многообра́зныя ра́ны претерпѣ́лъ еси́, и по кончи́нѣ свое́й вѣне́цъ отъ Бо́га съ му́ченическими ли́ки воспріе́млеши, и въ земли́ кро́ткихъ досто́йно водворя́ешися, блаже́нне, о на́съ Христа́ Бо́га моли́ дарова́ти душа́мъ на́шимъ ве́лію ми́лость. — Ца́рство, е́же на земли́ до́брѣ окормля́я, страда́льче, и, багряни́цу нося́, смире́нно стяжа́лъ еси́ мудрова́ніе, ни́щихъ посѣща́я и си́мъ хлѣ́бъ раздробля́я, тѣ́мже Пребоже́ственная Тро́ица Ца́рствія ку́пно и му́ченичества венце́мъ увязе́ тя́.— Прему́дрости рачи́тель бы́въ и сокро́вище добродѣ́телей, отону́дуже и поче́рплъ еси́ боже́ственная разумѣ́нія и, о тлѣ́ющихъ нерадѣ́въ, нетлѣ́ннымъ внима́лъ еси́. Тѣ́мже и, я́же возлюби́въ сія́, по кончи́нѣ наслѣ́довалъ еси́, пріе́мля досто́йныя мзды́ дѣ́ланіемъ отъ правосудя́щаго вся́ про́мысла. Сего́ ра́ди вопіе́мъ ти́: моли́ Христа́ Бо́га грѣхо́въ оставле́ніе дарова́ти покланя́ющимся вѣ́рою святы́мъ моще́мъ твои́мъ. —Collapse )