August 27th, 2012

Мѣсяца Августа въ 16-й день. Служба (серб. ред.) преп. Іоакиму Осоговскому

Originally posted by russportalat Мѣсяца Августа въ 16-й день. Служба (серб. ред.) преп. Іоакиму Осоговскому
Преподобный Иоаким Осоговский, Сарандапорский чудотворец «Преподо́бне о́тче Іоаки́ме, ты́ вои́стину яви́лся еси́ по́стникомъ похвала́, правовѣ́рію крѣ́пость, вселе́ннѣй свѣти́ло незаходя́щее, льсти́ваго врага́ не убоя́вся и страше́нія безбо́жнаго не ужаси́вся, о благода́ти Бо́жіи, блаже́нне, е́юже прему́дро попра́ ле́сть безбо́жную, отъ нея́ же изба́ви на́съ. — Преподо́бне о́тче Іоаки́ме, ты́ вои́стину взыска́лъ еси́ Бо́га, и Того́ свѣ́томъ, свѣ́тлыми сія́ніи благоче́стія жела́я, ца́рскія дво́ры оста́вивъ, безсме́ртное наслѣ́діе прія́тъ, со Христо́мъ ны́нѣ водворя́ешися, богоблаже́нне. — Отче богому́дре Іоаки́ме, струя́ми сле́зными у́мъ сво́й просвѣти́лъ еси́ и къ Бо́гу бесѣ́довалъ еси́, пресвѣ́тлыми чистота́ми я́ко сто́лпъ всесвѣ́телъ, благоче́стія свѣ́томъ сія́я, яви́лся еси́, блаже́нне, мона́хомъ похвала́, и ны́нѣ всѣ́хъ на́съ сохраня́й твои́ми моли́твами. —Collapse )

Мѣсяца Августа въ 16-й день. Служба (болг. ред.) преп. Іоакиму Осоговскому

Originally posted by russportalat Мѣсяца Августа въ 16-й день. Служба (болг. ред.) преп. Іоакиму Осоговскому
Преподобный Иоаким Осоговский, Сарандапорский чудотворец «Житіе́ свое́ устро́илъ еси́, бога́тствомъ ду́шу свою́ стяжа́лъ еси́, благослове́нне о́тче Іоаки́ме богому́дре, сна́ бо очи́ма твои́ма николи́же да́лъ еси́, безпреста́нныя мольбы́ къ Бо́гу приноси́лъ еси́, мы́ же мо́лимся тебѣ́: непреста́нно моли́ спасти́ся душа́мъ на́шимъ. — Испо́лнивъ Госпо́дне Ева́нгеліе, богому́дре, преподо́бне, оста́вилъ еси́ житія́ красоту́, посто́мъ, и чистото́ю и моли́твами стра́сти плотскíя умертви́въ, и къ небе́сному гра́ду возше́дъ, небе́сныя жи́зни сподо́бился еси́. — Яко звѣзда́ отъ восто́ка отъ пусты́ни возсія́, богому́дре о́тче Іоаки́ме. Правовѣ́ріе вельми́ проповѣ́дая, бѣсо́вскихъ преще́ній не убоя́лся еси́, тѣ́мъ тя́ Христо́съ со сла́вою въ вы́шняя селе́нія воспрія́тъ. — На тве́рдѣмъ ка́мени ду́шу свою́ основа́въ, я́ко со́лнце осія́лъ еси́ мíру чудесы́ твои́ми, преподо́бне о́тче Іоаки́ме. Тѣ́мже мо́лимъ тя́: просвѣти́ на́съ, грѣхо́вный мра́къ отгоня́я твои́ми моли́твами. —Collapse )