June 18th, 2012

Мѣсяца Іунія въ 5-й день. Служба преподобному Петру Коришскому

Originally posted by russportalat Мѣсяца Іунія въ 5-й день. Служба преподобному Петру Коришскому
Преподобный Петр коришский «Преподо́бне о́тче, богому́дре и всеблаже́нне Пе́тре, молвы́ жите́йскія смы́сленно избѣ́гъ, го́ру святонарица́емую дости́глъ еси́, въ не́йже поще́ніемъ и моли́твами до́брѣ подвиза́вся, бѣсо́въ боре́нія и ту́ су́щаго змíя побѣди́лъ еси́, терпѣ́ніемъ же твои́мъ а́нгелы удиви́лъ еси́ и Бо́га Вседержи́теля возвесели́лъ еси́. Ему́же ны́нѣ предстоя́, моли́, мо́лимся, дарова́ти Це́ркви единомы́сліе, ми́ръ и ве́лію ми́лость. — Преподо́бне о́тче Пе́тре досточу́дне, отъ младе́нства твою́ жи́знь Христу́ Бо́гу возложи́лъ еси́, отъ Него́же укрѣпля́емь, плотскíя стра́сти по́мыслу покори́лъ еси́, безстра́стія же свѣ́томъ, я́ко мо́лніями облиста́въ, бѣсо́въ полки́ попали́лъ еси́. Преподо́бнымъ единожи́телю и пра́веднымъ, съ ни́миже Христу́ моли́ся, дарова́ти душа́мъ на́шимъ ми́ръ и ве́лію ми́лость. —Collapse )

Мѣсяца Іунія въ 5-й день. Иная служба преп. Петру Коришскому

Originally posted by russportalat Мѣсяца Іунія въ 5-й день. Иная служба преп. Петру Коришскому
Преподобный Петр Коришский «Преподо́бне о́тче богому́дре, благи́ми нра́вы украси́вся, Христу́ прилѣпи́лся еси́ отъ ю́ности, плотскíя стра́сти умертви́въ воздержа́ніемъ, глаго́ловъ и зако́новъ Бо́жіихъ испо́лнитель бы́въ, испо́лнился еси́ боже́ственныхъ даро́въ и чуде́съ, и всѣ́мъ лучи́ бога́тно испусти́лъ еси́, и ны́нѣ моли́ спасти́ся душа́мъ на́шимъ. — Преподо́бне о́тче пресла́вне, со́вѣсть имѣ́лъ еси́ бла́гу и о́ко серде́чное, взира́ющее къ Бо́гу. Крѣ́постію Христа́ возмо́гъ, держа́ву вра́жію и си́лу низложи́лъ еси́ и, ве́сь прилѣжа́ Вседержи́телю, све́рглъ еси́ на зе́млю велехва́льнаго изря́дными дѣ́лы твои́ми, и ны́нѣ моли́ спасти́ся душа́мъ на́шимъ. —Collapse )